Sør-Varanger bibliotek

Ovddeš luodda Gilevutnii. Govven: : Elisabeth Meyer

FINNMÁRKU-GIRJERÁDJU

Finnmárku-girjerádju lea Finnmárkku fylkkagirjerádjosa báikkálašvuorká mas lea girjjálašvuohta, govat ja ovttaskasarkiivvat Finnmárkkus ja davviguovlluin.

Finnmárku-girjerádju fállá erenoamáš dieđuid ja vásáhusaid Finnmárkkus ja davviguovlluin. Čoakkáldat lea fysalaččat Čáhcesullos, muhto olu lea olahanmuttus digitálalaččat neahtas. Daid iešguđet čoakkáldagaid gávnnat dás vuollelis. Fylkkagirjerájus lea vásttolaš siidduid sisdoaluide. Fylkkagirjerádjosa ruovttusiiddu gávnnat dáppe.

Finnmárku-girjeráju girjjálašvuohta

Finnmárku-girjerádju álgovuođđu lea stuora ja historjjálaččat dehálaš čoakkáldat Finnmárkku girjjálašvuođas ja maiddái girjjálašvuođas mii lea Finnmárkku birra.

Girjjálašvuođačoakkáldat lea fysalaččat Čáhcesullo girjerádjosis. Báikkálaš čoakkáldat mii ovddasta olles Finnmárkku lea stuoris ja sisttisdoallá girjjálašvuođa, kultuvrra, geografiija, ja historjjá iešguđet lágan hámiin ja formáhtain : Gihppagat, mikrofilmmat, nákkosgirjjit ja čáppagirjjálašvuohta Finnmárkkus ja Finnmárkku birra. Čoakkáldagas lea maid Davvikalohta ja Barentsguovllu girjjálašvuohta ja girjjálašvuohta guovlluid birra.

Fylkkagirjerádjosa bokte sáhtát luoikkahit olu, muhto luoikkaheapmi boares ja árvvolaš materiálain lea luoikkaheapmi ráddjejuvvon. Váldde oktavuođa ja šiehtat Finnmárku-girjerájuin luoikkaheami.

Finnmárku-girjeráju govvaarkiiva

Govvaarkiivvas lea ovddasvástádus Finnmárkku govaid čohkkemii ja sisttisdoalláge sullii 155 000 gova Finnmárkkus. Boarráseamos materiála lea 1860-logus. Govvačoakkáldat almmuhuvvo Finnmárkku fylkkagirjerádjosa DigitaltMuseum portálas. Eanáš oassi čoakkáldagas lea portálas viežžanláhkái. DigitaltMuseum bokte sáhtát maid šiehttat diŋgot govaid juogo digitála fiillaid dahje deaddiluvvon govvan (geahča diŋgojumiide hattiid).

Govvaarkiiva gaskkusta maid govaid čájáhusain, doaluin ja sii ráhkadit maid multivišuvnnaid sierra válljejuvvon čoakkálmasain sosiála mediaide. Jus háliidat ahte govvaarkiiva galgá váldit vára dehálaš Finnmárkku govain, de válddat oktavuođa singuin juogo e-boastta dahje sin “Fotoarkivet” Facebook-siiddu bokte. Buvtte áinnas ođđa dieđuid kommentáraiguin min govvačoakkáldahkii DigitaltMuseum siiddus. Geahča govvačoakkáldaga kopiijaid ja digitála bálvalusaid hattiid.

Vuorkágovva: Boastaolmmái Anders Nilsen Slangeng. Govvejeaddji: Elisabeth Meyer.

Vuorkágovva: Vuolab bearraša priváhta govvaálbuma.

Vuorkágovva: Aviisasáhtosteaddji Jan Danielsen 1945:s. Gunnar Fougner govven.

Finnmárku-girjeráju ovttaskasarkiiva

Finnmárku-girjerádjosis leat olles 250 ovttaskasarkiivva iešguđetlágan eaktodáhtolaš servviin, fitnodagain ja ovttaskas olbmuin Finnmárkkus. Materiálat vurkkoduvvot arkiivadohkálaš vugiin. Fylkkagirjerájus váldá áinnas eambbo ovttaskasarkiivvaid iežas háldui. Ovttaskasarkiivvaide leat iešguđetlágan beassanlágit ja beassanlági ferte šiehtadit Finnmárkku fylkkagirjerádjosiin.

Fylkkagirjerájus lea fylkkavásttolaš ásahus ovttaskasarkiivabargguide Finnmárkkus. Ovddasvástádus mielddisbuktá koordinerema, ovdánahttima, ráđđeaddima ja fierpmádathuksema fylkka ovttaskasarkiivvaid gaska.

Ásahusat mat vurkkodit ovttaskasarkiivvaid Finnmárkkus leat ráhkadan bajildusgova ovttaskasarkiivvain mat gávdnojit Finnmárkkus, Finnmárkogiissás gávnnat bajildusgova guovllu ovttaskasarkiivvain. Dát lea oktasaškataloga mas leat sullii 1000 iešguđetlágan ovttaskasarkiivva maid Finnmárkkuarkiivvat oktasaččat oamastit ja vurkkodit fylkkas.

Eambbo dieđuid gávnna fylkkagirjerádjosa ovttaskasarkiivva neahttasiiddus, ja www.finnmarksarkivene.no neahttasiiddus.

Nanu ruohttasat Finnmárkkus

Ovddeš Finnmárku-girjerádju visti. Govvejeaddji: Sonja Siltala

Ovddemus elrávnnjiin

Finnmárku-girjerádju adnui hui mávssolažžan álgu rájes juo. Visti gos dat lei, lei vuosttaš visti Čáhcesullos mii oaččui elrávnnji. Eai háliidan risikeret ahte masset čoakkáldaga dollačuovggaid dihte.

Johan Beronkas portreahtta. Govvejeaddji: amas

Johan Beronka

Báhppa, proavás, gielladutki ja báikkálašhistorihkkár Johan Beronka duođai beroštii álbmotčuvgehusas. Son lei Finnmárku-girjerádjosa jođiheaddji logi jagi! Son elii  áigodagas 1885-1965.